«Алатау Жарық Компаниясы» АҚ филиалы - «Энергосбыт» Қазақстан Республикасы Ұлттық экономика министрінің 2017 жылғы 01 ақпандағы №36 бұйрығымен бекітілген Қоғамдық маңызы бар нарықтарда баға белгілеу қағидаларына, сондай-ақ Қазақстан Республикасының Кәсіпкерлік кодексіне сәйкес 2026 жылғы 20 тамыздан бастап қолданысқа енгізіле отырып, Алматы қаласы мен Алматы облысының тұтынушылары үшін электр энергиясының шекті бағасының жобасын Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы бойынша департаментінің келісуіне ұсынғаны туралы хабарлайды.

Себептері:

- 2026 жылғы 15 шілдеден бастап «ЖЭК қолдау жөніндегі қаржы-есеп айырысу орталығы» ЖШС Бірыңғай сатып алушысынан электр энергиясын сатып алу бағасының 13 теңге/кВтсағаттан 16 теңге/кВтсағатқа дейін, 23%-ға өсуі («Атаулы қолдау алушылардың тізімін бекіту туралы» ҚР ҰЭМ 29.12.2025 жылғы №313 бұйрығына өзгерістер енгізу туралы» ҚР ҰЭМ 10.07.2026 жылғы №167 бұйрығымен бекітілген).

20 тамыздан бастап қолданысқа енгізіле отырып, 2026 жылға арналған электр энергиясының шекті бағасын көтеру жобасы ҚҚС есебінсіз 39,36 теңге/кВтсағ. құрайды.

Шекті тариф деңгейінің осы жобасы түпкілікті болып табылмайды.

Шекті тарифтің келісілген деңгейі ҚР ҰЭМ Алматы қаласы бойынша ТМРКД тарапынан сараптама жүргізілгеннен кейін жарияланатын болады.

Қосымша ақпарат алу үшін 8/727/3560401, 8/727/3560446 телефондары арқылы хабарласуларыңызды сұраймыз.