Жас энергетиктер «Самұрық-Энерго» АҚ II Жастар форумында бас қосты!

2023 жылдың 14 қыркүйегінде «Самұрық-Энерго» АҚ екінші Жастар форумы өтті. Іс-шара алдын ала іріктеуден өткен ірі қазақстандық электр энергетикалық холдингтің жүзден астам жас қызметкерлерінің басын қосты. Олардың арасында «АлматыЭнергоСбыт» ЖШС-нің 11 жас белсенділері де болды. Бұл компаниялар тобы мамандарының жаңа буынын қолдау және өзара іс-қимылды нығайту бағытындағы маңызды қадам болды. «Самұрық-Энерго» жас энергетиктерінің жиыны «Jas Energy» компаниясы жастар қозғалысының белсенді қатысуымен өтті.

Форумның негізгі мақсаты компанияның жалпы ұйымдастырушылық дамуын қамтамасыз ету мақсатында «Самұрық-Энерго» АҚ еншілес және тәуелді ұйымдарының жастарын жақындастыру болды. Форум қатысушыларға әріптестер арасында жаңа достық пен кәсіби байланыс жасауға, олардың жеке және кәсіби өсуіне ықпал ете отырып, тәжірибе мен идеялармен алмасуға бірегей мүмкіндік берді.

Күннің бағдарламасына сәйкес әйгілі «Форт Боярд» телевизиялық бағдарлама желісі негізінде ұйымдастырылған белсенді тимбилдинг өткізілді. Іс-шараның барлық қатысушылары осы күннен жағымды эмоциялар мен энергия толы күш-қуат алды. Жас энергетиктер жаңа достар тауып, өздерінің құрдас әріптестерімен жақынырақ танысты.

«Самұрық-Энерго» АҚ форумы жас кадрларға, олардың жеке дамуы мен кәсіби жетілуіне назар аударудың маңыздылығын растады.