2024 жылғы 01 қаңтардан бастап «Алатау Жарық Компаниясы» АҚ өңірлік деңгейдегі желілері бойынша электр энергиясын беру жөніндегі қызмет тарифі, «Қазақстан темір жолы» Ұлттық компаниясы» АҚ желілері бойынша электр энергиясын беру жөніндегі қызмет тарифі құнының және «ЖЭК жөніндегі ҚЕАО» ЖШС электр қуатының жүктемені көтеруге әзірлігін қамтамасыз ету жөніндегі қызмет бағасының көтерілуіне байланысты, «АлматыЭнергоСбыт» ЖШС 2024 жылдың 1 наурызынан бастап Алматы қаласы мен Алматы облысының тұтынушылары үшін тарифтің өзгергені туралы хабарлайды.

Тұтынушылардың топтары бойынша:

1-топ: электр энергиясын тауарларды, жұмыстарды өндірумен (сатумен) және қызметтер көрсетумен байланысты емес, өзінің тұрмыстық мұқтаждары үшін пайдаланатын тұрмыстық тұтынушылар – 1 кВтсағ. үшін ҚҚС-сыз 25,55 теңге (1 кВтсағ. үшін ҚҚС-пен 28,62 теңге);

2-топ: электр энергиясын тұрмыстық емес мұқтаждар үшін пайдаланатын тұтынушылар – 1 кВтсағ. үшін ҚҚС-сыз 29,73 теңге (1 кВтсағ. үшін ҚҚС-пен 33,30 теңге);

3-топ: мемлекеттік бюджеттен қаржыландырылатын заңды тұлғалар – 1 кВтсағ. үшін ҚҚС-сыз 32,73 теңге (1 кВтсағ. үшін ҚҚС-пен 36,66 теңге);

4-топ: әлеуметтік маңызы бар азық-түлік тауарларын өндіретін тұтынушылар (ӘМАТ) – 1 кВтсағ. үшін ҚҚС-сыз 28,00 теңге (1 кВтсағ. үшін ҚҚС-пен 31,36 теңге).

Электр энергиясын тұрмыстық мұқтаждар үшін пайдаланатын жеке тұлғалар мен тұтынушылар үшін пәтерде/ үйде тұрақты тұратын әрбір адамға электр энергиясын тұтыну көлеміне қарай сараланған тариф:

1 деңгейдегі тариф – 1 кВтсағ. үшін ҚҚС-сыз 23,16 теңге (1 кВтсағ. үшін ҚҚС-пен 25,94 теңге);

2 деңгейдегі  тариф – 1 кВтсағ. үшін ҚҚС-сыз 30,66 теңге (1 кВтсағ. үшін ҚҚС-пен 34,34 теңге);

3 деңгейдегі тариф – 1 кВтсағ. үшін ҚҚС-сыз 38,33 теңге (1 кВтсағ. үшін ҚҚС-пен 42,93 теңге).