• 2025 жылғы 1 қаңтардан бастап «ЖЭК қолдау жөніндегі ҚЕАО» ЖШС қуатты қамтамасыз ету жөніндегі қызметтеріне,
• 2025 жылғы 1 сәуірден және 2025 жылғы 1 маусымнан бастап «Алатау Жарық Компаниясы» АҚ өңірлік деңгейдегі желілер бойынша электр энергиясын беру қызметтеріне,
• 2025 жылғы 1 сәуірден және 1 қазаннан бастап «KEGOC» АҚ ұлттық электр желісін пайдалану және теңгерімдеу бойынша тарифтің көтерілуіне байланысты

«Алатау Жарық Компаниясы» АҚ Филиалы -  «Энергосбыт» 2025 жылдың 15 шілдесінен бастап Алматы қаласы мен Алматы облысының тұтынушылары үшін тарифтің өзгергені туралы хабарлайды.

Мемлекет басшысының тапсырмасын орындау аясында  (Мемлекет басшысының 2022 жылғы 1 қыркүйектегі Қазақстан халқына Жолдауын іске асыру жөніндегі жалпыұлттық іс-шаралар жоспарының 3-тармағы) ҚР Премьер-Министрінің Бірінші орынбасары 2023 жылғы 28 желтоқсанда тұрғын үй-коммуналдық шаруашылық саласындағы тарифтерді тоғыспалы субсидиялаудан біртіндеп бас тарту жөніндегі жоспар-кестені бекітті, Алматы қаласы және Алматы облысы бойынша ТМРКД тарапынан тарифтер тұтынушылар топтары бойынша саралаусыз келісілді.

Алматы қаласы және Алматы облысы бойынша тұтынылған электр энергиясы үшін есеп айырысуларға электр энергиясын сату қызметтерінің шекті бағасына тең тариф – 1 кВтсағ. үшін ҚҚС-сыз 31,85 теңге (1 кВтсағ. үшін ҚҚС-пен 35,67 теңге) тұтынушылардың келесі санаттарына арналған:

• электр энергиясын өзінің тұрмыстық мұқтаждары үшін пайдаланатын тұрмыстық тұтынушылар;
• электр энергиясын тұрмыстық мұқтаждарынан тыс пайдаланатын тұтынушылар;
• мемлекеттік бюджеттен қаржыландырылатын заңды тұлғалар;
• арнайы экономикалық және индустриялық аймақтардың аумағында орналасқан тұтынушылар, Қазақстан Республикасы Президентінің Іс басқармасының ведомстволық қарасты ұйымдары және оның ведомстволары, әлеуметтік маңызы бар азық-түлік тауарларын өндірушілер.

Электр энергиясын тұрмыстық мұқтаждарға пайдаланатын жеке тұлғалар мен тұтынушылар үшін пәтерде/үйде тұрақты тұратын, электр плиталарын пайдаланатын және пайдаланбайтын әрбір адамға электр энергиясын тұтыну көлеміне қарай сараланған тариф:

1 деңгейдегі тариф – 1 кВтсағ. үшін ҚҚС-сыз 28,90 теңге (1 кВтсағ. үшін ҚҚС-пен 32,37 теңге);

2 деңгейдегі тариф – 1 кВтсағ. үшін ҚҚС-сыз 38,20 теңге (1 кВтсағ. үшін ҚҚС-пен 42,78 теңге);

3 деңгейдегі тариф – 1 кВтсағ. үшін ҚҚС-сыз 47,76 теңге (1 кВтсағ. үшін ҚҚС-пен 53,49 теңге).

Тұрмыстық мұқтаждары үшін электр энергиясын пайдаланатын тұтынушылардың тарифтік жоспарын таңдау әлі де тиісті өтініш беру арқылы өздігінен жүзеге асырылады.