«Алатау Жарық Компаниясы» АҚ филиалы - «Энергосбыт» Алматы қаласы мен Алматы облысындағы электр энергиясының кепілді жеткізушісі болып табылады және өз тұтынушыларын үздіксіз электрмен жабдықтауды қамтамасыз етеді.

Электр энергиясын тұтынушылармен есеп айырысуды нақты ұйымдастыру және оны уақтылы төлеу электр энергетика саласындағы барлық субъектілердің қаржылық жағдайына тікелей әсер етеді.

Электр энергиясын уақтылы төлеу өшіруге әкелмейді.

Қазақстан Республикасының электр энергетикасы саласындағы заңнамасында тұтынушыларды электр энергиясынан ажырату туралы тармақ тек қарыз туралы алдын ала хабарлағаннан кейін ғана жүзеге асырылатыны көзделген.

Тұтынушылардың назарын тұтынылған электр энергиясы үшін қарыз қалыптасқан жағдайда «Алатау Жарық Компаниясы» АҚ филиалы - «Энергосбыт» келесі шараларды қабылдайтынына аударамыз:

• Қалыптасқан қарыз туралы еске салады: а) түбіртектегі ақпарат; б) телефон қоңыраулары (персонал тарапынан және оның ішінде автоматты режимдегі дауыстық хабарламалар арқылы); в) хабарламалар; г) сотқа дейінгі талаптар арқылы;
  • Қарыз өтелмеген жағдайда – электр энергиясын өшіруді жүргізеді («АЖК» АҚ-ға өшіруге өтінім беру);
  • Егер өшіру жүргізілгеннен кейін де қарыз өтелмесе – талап-арыз қою бойынша іс жүргізу басталады, ол: а) елден шығуға тыйым салуға; б) мүлік пен банктік шоттарға тыйым салуға; в) заңды әрекеттерді шектеуге; г) нотариалдық және сот шығындарын төлеуге әкелуі мүмкін.

Электр энергияны қосу үшін қарызды және қайта қосу құнын («АЖК» АҚ мамандары орындайды) төлеу қажет. Қосылу тәсіліне байланысты (есептегіштен немесе қалқаннан, тіректен немесе үйдің қасбетінен) жеке тұлғалар үшін қайта қосу құны 12 970 теңгеден 17 743 теңгеге дейін және заңды тұлғалар үшін 22 357 теңгені құрайды.

«Алатау Жарық Компаниясы» АҚ филиалы - «Энергосбыт» энергия қызметтерін көрсету нарығында өз жұмысын бастаған сәттен қызметінде тұтынушылардың мүдделері мен сұраныстарына бағдарлануға, қызмет көрсету сапасын барынша жақсартуға және азаматтардың ыңғайлылығын қамтамасыз ету үшін барлық қажетті жағдайларды жасауға ұмтылып келеді.

Тұтынушылар түсініктеме алу үшін:

1. «Алатау Жарық Компаниясы» АҚ филиалы - «Энергосбыт» ұйымының кез келген 18 аудандық бөлімшесіне;
2. 356-99-99 және 399-99-00 телефондары бойынша тәулік бойы қызмет көрсететін анықтама қызметіне;
3. esalmaty.kz сайтына жүгіне алады.