Сіздердің назарларыңызға «Алатау Жарық Компаниясы» АҚ филиалы - «Энергосбыт» ұйымында Алматы қаласы мен Алматы облысының электр энергиясын тұтынушыларының қарызына байланысты аса күрделі жағдайдың қалыптасқанын жеткіземіз. 01.04.2026 жылғы жағдай бойынша тұтынушылардың қарызының жалпы сомасы 37,8 млрд. теңгені құрайды.

Бұл жағдай үздіксіз электрмен жабдықтауға және Алматы қаласы мен Алматы облысының тұрақты тыныс-тіршілігін қамтамасыз етуге қауіп төндіреді, өйткені тұтынылған электр энергиясы үшін ақының уақтылы төленбеуі қаражат тапшылығына және «Жаңартылатын энергия көздерін қолдау жөніндегі қаржы-есеп айырысу орталығы» ЖШС Электр энергиясын бірыңғай сатып алушы алдында қарыздың қалыптасуына әкелді.

«Алатау Жарық Компаниясы» АҚ филиалы - «Энергосбыт» күзгі-қысқы жылыту кезеңінің аяқталуына байланысты дебиторлық қарызы бар тұтынушыларға қатысты электр энергиясын беруді шектеу және (немесе) тоқтату жөніндегі іс-шаралардың жүргізілгені туралы хабарлайды.

Қазақстан Республикасының заңнамасына, сондай-ақ электрмен жабдықтау шарттарының талаптарына сәйкес төлем бойынша міндеттемелер толық көлемде және белгіленген мерзімде орындалуы тиіс. Көрсетілген міндеттемелерді орындамау электр энергиясын беруді шектеу жөніндегі шараларды қолдануға негіз болып табылады.

Қарызы бар тұтынушылар қысқа мерзімде қарызды толық өтеуі қажет.

Көппәтерлі тұрғын үй кешендерінің тұрғындарынан басқарушы ұйымдардың коммуналдық қызметтерге ақы төлеуге қаржы қаражатын жинау және бөлу жөніндегі қызметіне ерекше назар аударуды және бақылауға алуды сұраймыз.

Көрсетілген талаптар орындалмаған жағдайда, Қазақстан Республикасының заңнамасында көзделген шаралар қолданылатын болады, оның ішінде:

• электр энергиясын беруді шектеу және (немесе) тоқтату;
• қарызды өндіріп алу туралы талап арыздармен сотқа жүгіну;
• сот актілерін белгіленген тәртіппен мәжбүрлеп орындау.